AY TANBOU LA ( Créole )

AY TANBOU LA

Ay tanbou la o tanbou

Tanbou la sé fòs an nou

Sé mizik a péyi an nou

Soulajé sa ki ka travay pou gwoka la

Sonjé sa ki ka trimé pou tanbou la

Pa obliyé lé zansyen sa yo lésé… sonjé 

Pa janmen obliyé kè tanbou la sé nanm an nou

Sé sa manman lésé ban nou fò pa janmen lésé’y tonbé

Tanbou la sé mizik a manman mwen

Tanbou la mizik a péyi an mwen

Sé li ki ka fè mwen vibré

Tanbou la sé mizik ansèt an mwen

Dépi ou ka sonné pani mwayen fò kouri gadé

Kouté on mélodi santimantal

Ka sòti an kè a Gwadloupéyen

E nou ki ka vini, nou tout, nou sé pitit a yo

Nou ka kontinyé woulé pou yo pé mandé « aki yo ?! »

Tanbou la sé fòs an mwen, sé’y ki ka fè mwen vibré

Lè mwen tandé ka la sonné, pani mwayen rété sizé « démélé mwen »

Yonn, dé, twa

Ou ja vwè an mélé vin démélé mwen

Fò’w lésé tanbou an mwen palé

Sé li ki ka fè mwen vibré

Tanbou la sé mizik, mizik a nanm an mwen

Mélé mwen mélé fô’w vin démélé mwen

Sé mélé mwen mélé fô’w vin démélé mwen