I JA TWO TA ( Créole )

I JA TWO TA

Pa chèché mwen an pati an pati an ja rivé byen lwen

Pa chèché mwen an pati la mwen yé la ou pé pa jwenn mwen

Pa chèché mwen an pati an ja asou en lòt chimen

Flanm a la vi étenn si mwen san fè fimé

An lévé an bon maten

An gadé alantou an mwen

Etoné péyizaj chanjé

Ayen pòkò toumanté mwen

Pa menm spèktak la douvan mwen

Man libéré

Mwen ni plézi a vwayajé koté solèy koté limyè

Lè mwen té là an té ka soufè

Lè mwen té là yo pa té ka vwè mwen

Lè mwen té là adan misè an mwen

Pon moun pa kouri dèyè mwen

Pa menm vin tann an ti lanmen

Men jòdi la

Pani chagren pani doulè lanmou lanmou yenki lanmou

An ka maché asou lanmè

An ka volé anba la tè

An ka najé adan syèl la

Van la ka souflé anlè mwen

Kon on karès manman ban mwen

Sérénité

Man apézé mwen soulajé kon si tan la té arété

An ka vwè yonn dé zanmi

La fanmi alantou an mwen

Pini ras pani fontyè

Si zòt té pé vwè jan sa bèl

Lè nou ka maché yonn bò lòt

Fwatèwnité

Ka gidé nou ka chayé nou èvè dousè é awmoni

Pa pléré an ka viv byen

Pa pléré man pa tousèl

Pa pléré souri ban mwen

Siw vlé rèsanti pwézans mwen pwan tanbou la konnyé’y ban mwen

E fèmé zyéw

Man ka chanté man ka dansé konsidiré nou té tou pwé