LEWOZ A MANMAN ( vwè lwen ) ( CREOLE ) ( vwè lwen )

LEWOZ A MANMAN

Léwôz o Léwôz o,
Kaz a manman lwen

Kenzèn rivé yo pa péyé papa
Farin mannyok a manman pa vann
Ti fwè an mwen an ba pyé mango la
On sikriyé i ka véyé

Antan lontan lavi té bèl
Kon ziwondèl nou té ka pwan zèl
Si on kanmarad tonbé an kannal
Tout kawtyé la ka bay on pal

Senkè manman lévé pou ay travay
Pwan tripotè pou ay gannyé on jouné
Mwen menm doubout o bôd lanmè la
An ka véyé kanno rantré

Kanmarad pwété lorèy
Pou zôt tandé sa ki pasé
Si nou pa fè atansyon
Dèmen maten i ké two ta

Si yo ba’w sa pou ayen jôd la
Dèmen sa ké kouté’w pli chè
Si’w vwè ou vwè yo mété’w anlè
Viré dèyè tanzantan monfi
É si’w vwè zafè la mélé
I fo pa’w pè kriyé osékou